csg458.151 csg457.119 SEPTEMBER. HIDE LINKS TO MANUSCRIPTS HIDE APPARATUS
| 1 | KAL. SEPTEMB. Cennomannis civitate Galliae natale Victoris [Victorii] episcopi. Nam dum sanctus Martinus Turonensis episcopus perrexit ad sepeliendum Leporium, pontificem supradictae urbis, et venisset ad oppidum, respiciens vidit hominem operantem in vinea, eratque clericus, subdiaconi officium adeptus: revelatumque est sancto Dei eo quod ipse esset successurus in episcopalem locum: vocavitque illum sanctus Martinus ad se dicens illi: 'Benedic me, domine Victor.' Cui ille: 'Benedic tu mihi, domine mi, et benecsg457.120dictus sermo tuus.' Sicque iussu sancti viri secutus est eum, quem, convocata plebe atque coadunata, ordinavit episcopum, eiusque csg458.152 filium, Victorinum nomine, baptizavit, et secum ad nutriendum ad Dei servitium tulit: quem etiam post obitum patris defuncti eidem civitati ordinavit episcopum. |
| 2 | IV NON. Lugduno Galliae depositio Iusti episcopi et confessoris cum post diaconatum antistes ordinatus est, tanta puritate, modestia, pietate, patientia, per multos rexit annos, tanta circa pauperes cura, tanta divinorum mandatorum observantia, ut etiam magnificos atque praestantes illos Domini sacerdotes omni praeiret gratia virtutum, sed ita ingenti gloria suae plebis, populi Domini Ecclesiae praesideret, usque ad expulsionem eius frementis diaboli exarsit invidia. Hunc ergo cum seditio populi persequebatur, post multas tribulationes in peregrinationem percsg457.121rexit atque solo secum comitante puero in Aegyptum pervenit, ibique inter csg458.153 anachoretas strictissimam vitam duxit et nobiliter conversatus est: quem sanctus Antiochus, presbyter Lugdunensis, pio incitatus officio usque ad visitandum suum episcopum pergere animo intendit, quem etiam ad se venturum sanctus Iustus episcopus praedixit his qui secum erant. Post aliquot vero dies sanctus Dei migrans de hoc saeculo, ossa sua ad sedem suam divino nutu tranferri promeruit, ibique honorifice sepeliri. |
| 3 | III NON. In Alexandria, Aristippi episcopi; et in Syria, Antonini pueri annorum viginti, et Aristonis episcopi, et in Caudis, Vitaliani. |
| 4 | II NON. In urbe Cabilonensi natale sancti Marcelli martyris, qui sub Antonino imperatore per Priscum praesidem passus est. Nam cum nollet idola adorare, multipliciter torquebatur. Sanctus ergo martyr in animo coelesti virtute roboratus, secuncsg457.122dum loca idolorum, ita et supplicia commutabat, csg458.154 equuleis extensa membra catenarum stridore laniat, ignium globibus [Ita ms.] urit, et dissolutis ictibus artus exusta corporis elementa iungebant: sed athleta fortissimus, auctoris sui Iesu Christi intra viscera retinens passionem, gloriosiore certamine triumphabat, et antiquam fidem tormentorum novitas mutare non poterat. Hoc semper iniqui persecutoris interrogationi respondens, fieri nequaquam posse ut qui Deum vivum sensibus recepisset, saxa sensu carentia aut simulacra daemonum adoraret; quem nequissimus praeses, cum in suppliciis divini favoris gratia adverteret fortiorem, inaudito crudelitatis exemplo, plus quam furore persecutoris insaniens, defodi eum cingulo tenus iussit, sed triduo in laudibus Christi omnipotentis Domini ac Dei sui ore et amore perdurans, interim terris membra terrena commencsg458.155dans, spiritum sanctum emisit ad coelos. |
| 5 | csg457.123 NONIS. In portu Romae natale Taurini, Eraculani [Herculani], et in Alexandria, Nymphi et Saturnini, et depositio beati Ingenui episcopi, et in Campania, Quinti. In Galliis, civitate Vesontione, natale sanctorum Ferreoli et Ferrutionis. |
| 6 | VIII ID. Zachariae prophetae. Romae via Salaria, milliario ab Urbe quinquagesimo, natale sancti Eleutherii episcopi. In territorio Cappadociae, civitate Ructensi, natale sancti Cuttidi [Cottidi], Eugenii episcopi et sociorum eius. |
| 7 | VII ID. Natale sancti Chlodoaldi confessoris. In Campania natale Innocentii, et in Benevento Ianuarii, Festi, Acuti, et sancti Synoti et Desiderii. Arelato, Galliae civitate, natale sancti Augustalis episcopi. Aurelianis civitate sancti Evortii episcopi et confessoris, qui post Desinianum ipsius Ecclesiae episcopatum meruit; qui etiam divino nutu per columbae speciem Spiritus sancti electione ad episcopatum percipiendum dignus ostensus est, csg458.156 sicut in Vita eius conscriptum legitur. Hic nobili et sancta conversacsg457.124tione dies suos complevit, et miraculis claruit, ipseque diem obitus sui per revelationem agnoscens, sanctum Annianum episcopum futurum, ne seditio in populo oriretur, praelegit, sicque ad coelestem gloriam transivit. Aeduae civitate in Galliis, loco Alisiana, natale sanctae Reginae martyris, cuius gesta habentur. |
| 8 | VI ID. Natale sanctae Dei genitricis. Et in Nicomedia, sancti Adriani martyris cum aliis viginti tribus; et in suburbanis Moguntiacensis Ecclesiae natale sancti Disibothi confessoris. |
| 9 | V ID. Romae, Gorgonii martyris et Candidi, Cyrini, Domiciani, Eunoici, Sisinnii, Erachilii, Alexandri, Ioannis, Claudii, Athanasii, Valentis, Eliani, Melicii, Ecdicii, Acacii, Iubiani, Eliani, Theoduli, Cyrilli, Flavii, Severiani, Valerii, Chudionis, Sacerdonis, Drisci, Evacii, Iuvenalis, Philoctimonis, Etii, csg458.157 Micalli, Lysimachi, Theophili, Euticii, Xanthii, Aggii, Leontii, Insitii, Gaii, Basilidis. Hi omnes simul quadracsg457.125ginta passi sunt temporibus Licinii imperatoris et Agricolai praesidis, et Lysiae ducis. Eodem die in Sabinis passio celebratur Iacinthi diaconi et martyris, qui a Luxurio persecutore traditus est consulari Leontio. Hic cum non posset eum compellere ut sacrificaret idolis, misit in ignem, qui statim exstintus est; postea misit eum in aquam, sed sanus ad littus reductus est. Luxurius vero cum a serpente percussus, iuxta quod sanctus vir ei praedixerat, tumidus in via iaceret: nam serpens cum iuxta arborem praeteriret, cecidit per caput eius inter collum et capitium tunicae, et sic in ventrem irrupit. Attamen ille impius iussit consulari Leontio ut capitalem sententiam sancto martyri inferret. Sicque corona martyrii sanctus vir migracsg458.158vit ad Dominum. |
| 10 | IV ID. Romae depositio Hilari papae, per quem Victorius Ordinem paschacsg457.126lem conscripsit. Eodem die depositio sancti Salvii episcopi, de cuius sanctitate Gregorius Turonensis episcopus scripsit, narrans quod per revelationem vidisset, divinae vocis evaginatum gladium imminere super regulum (Sic ms.), quod Hilpericus rex iussit construi. Cur visioni veritas statim secuta est. Nam post dies viginti duos filii regis in eadem domo obierunt. |
| 11 | III ID. Romae, Proti et Iacinthi [Hyacinthi], qui erant eunuchi sanctae Eugeniae virginis, et cum ea a Romana urbe Alexandriam venientes ab Heleno episcopo, cui eorum adventus per visionem revelatus est, recepti in monasterio quodam sub virili habitu inter monachos conversabantur; postea vero cum Melanthia quaedam femina malitiosa Eugeniam sub virili habitu decsg458.159gentem masculum suspicans, per eam stuprari desiderasset: sed patefacto arcano Eugenia non vir, sed femina esse comperta est: coacta imperiali praecepto, cum eucsg457.127nuchis suis Romam rediit: ibi simul cum Basilla virgine praedicti duo eunuchi iussu Gallieni Augusti gladio interfecti sunt. Beata vero Eugenia postmodum, hoc est in VIII Kal. Ianuarii, pro Christi nomine passa, cum martyrii corona migravit ad Dominum. |
| 12 | II ID. In Antiochia natale Timothei, et in Pampalia (Forte, Pamphylia) natale Syri, et in Sicilia civitate Cathena [Catana] natale Eupli. Lugduno civitate depositio beati Sacerdotis episcopi. In Galliis, civitate Augustoduno, depositio beati Evantii episcopi. |
| 13 | ID. In Gallia, civitate Turonis, depositio Lidorii episcopi. |
| 14 | XVIII KAL. OCTOB. Sancti Cornelii episcopi, cui primo os cum plumbatis caesum, et sic decollatus est cum aliis viginti uno promiscui sexus, csg458.160 et Cerealis miles cum uxore sua Sallustia, quam Cornelius ab infirmitate sanaverat. Passus sub Decio: hic Cornelius temporibus suis rogatus a quadam matrona Lucina corpora apostolorum beati Petri et Pauli de catacsg457.128cumbas levavit noctu: primum quidem corpus beati Pauli beata Lucina accepit et posuit in praedio suo via Ostiensi ad latus, ubi decollatus fuit: beati vero Petri corpus beatus Cornelius accepit episcopus, et posuit iuxta locum ubi crucifixus est, inter corpora sanctorum in templo Apollinis in monte Aureo. In Vaticano palatii Neroniani, III Kal. Iulii. Eodem die natale sancti Cypriani episcopi, qui sub Valeriano principe post longum exsilium detruncatione capitis martyrium consummavit, sexto milliario a Carthagine iuxta mare. Et depositio sancti Materni episcopi. Eodem die exaltatio est sanctae crucis. |
| 15 | csg458.161 XVII KAL. Passio Nicomedis martyris: eodem die natale sancti Apri episcopi, et Leobini confessoris. In Alexandria natale sancti Serapionis, Leontii: et Ancyra Galatiae natale sancti Seleuci, Valerii et Cyrionis: et in Tomis Stratonis et Macrobii; et in Nuceria in Campania natale Constantis, et in Anquira [Ancyra] natale Pauli csg457.129 episcopi; et in territorio Cabilonense, castro Nortio, natale sancti Valeriani martyris. Lugduno Galliae depositio Albini episcopi. |
| 16 | XVI KAL. Natale sanctae Euphemiae virginis, quae martyrizavit sub Diocletiano imperatore, proconsule autem Prisco, in civitate Chalcedone, quae tormenta et carceres, verbera et argumenta rotarum, ignes et pondera lapidum angularium, bestias et plagas virgarum, serras acutas et sartagines ignitas, rursum morsum bestiae pro Christo superavit, et ad mille passus civitatis Chalcedonis, sepulta est a pacsg458.162tre suo Philosophrone senatore. Eodem die passio martyrum Luciae et Geminiani celebratur, qui sub Diocletiano et Maximiano imperatoribus passi sunt. Igitur Lucia erat permanens in viduitate per annos triginta et sex. Erant autem omnes anni vitae eius septuaginta quinque, ut in libello passionis eius scriptum reperitur. Haec per csg457.130 Euprepium filium suum apud imperatores prodita, eo quod Christiana esset, tenta est et in vinculis posita, de suppliciis variis quae ei persecutor ingessit, erepta est. Nam carcerem in fluvium convertit, ipsaque verberibus applicata, nihil sensit: imo caedentem se lapideum fecit, templum deorum ex gemmis et auro fabricatum ruere a fundamentis fecit, ignem exsuperavit, picem et plumbum in aquam convertit. Nec in his poenis laedi potuit: imo Geminianum socium passionis suae acquisivit, cum quo persecutoribus fortiter veritatem praedicans ad extremum per Apophrasium praesidem decollari iussi csg458.163 sunt, et sic ad regnum coeleste migrarunt. |
| 17 | XV KAL. In Britannia, Socratis et Stephani. Et in Gallia prope civitatem Traiectum [Maestricht] in villa Liudovico, passio Landeberti episcopi, qui ab infantia Dei servitio mancipatus fuit. Hic septem annos vitam sanctam agens inter monachos csg457.131 habitavit. Postquam autem Faramundus de sede pontificali depositus est, et eiectus de provincia Traiectense, tunc agmina clericorum, et vulgus populorum una pariter voce ingenti postulabant Dominum ut pastorem eorum dominum Landebertum recepturi essent, quem, consentiente Pipino tunc principe, ad propria recipere meruerunt: ibique per plures annos in Ecclesia Dei nobiliter vixit. Hunc vero Dodo domesticus iam supradicti principis Pipini machinatione pessima occidi fecit. Ipse vero per innocsg458.164centem mortem ad Dominum migravit. |
| 18 | XIV KAL. Mediolano depositio Eustorgii episcopi et Satyri. In Chalcedonia natale Trophimi et in Nicomedia natale Iociani. |
| 19 | XIII KAL. In Neapoli Campaniae natale sanctorum Ianuarii, Beneventanae civitatis episcopi, cum Fossio [Sosio] diacono Mesenatis [Misenatis] civitatis, et diacono suo festo, et lectore suo Desiderio, qui post vincula et csg457.132 carceres capite sunt caesi in civitate Puteolana sub Diocletiano principe, iudice Dracontio: qui cum ducerentur ad mortem, viderunt inter alios Proculus Puteolanae civitatis diaconus, et duo laici, Eutyches et Acutius, et interrogaverunt quare iusti occidi iuberentur: quos iudex ut vidit Christianos, iussit decollari cum illis. Sic omnes septem pariter sunt decollati, et tulerunt noctu corpora Christiani, et Neapolitani Ianuarium posuerunt iuxta civitatem in basilica Mesenate [Misenate], Sossium aeque csg458.165 in basilica Puteolani; Proculum, Eutychen et Acutium iuxta basilicam sancti Stephani; Festum et Desiderium Beneventani collegerunt . |
| 20 | XII KAL. In Cyzim natale sanctorum Faustae virginis et Evilasii sub Maximiano imperatore: quam idem Evilasius cum esset primus palatii iussit decalvari et tradi ad turpitudinem, deinde torqueri ac suspendi: quo tempore coruscatio de coelis facta multos ministrorum csg457.133 percussit: deinde iussit loculos afferri, et eam immissam ac fixam, quasi lignum secari mediam; sed non eam carnifices serris laedere valebant: quae inter stupens Evilasius Christo credere coepit; et hoc ubi imperatori nuntiatum est, misit praefectum, qui eum suspensum fortiter torqueret: qui etiam iussit Faustam nudam et sine maforte [Sic ms.] educi de carcere, et ei caput terebrari ac clavos infigi, cui postmodum non solum caput et facies; sed et pectus csg458.166 et totum corpus usque ad tibia, clavis impletum est. Post haec et sartaginem igniri iussit, sed haec illa psallente refriguit. Haec interveniens vox de coelo vocavit eos, et sic tradiderunt spiritum. Erat autem Fausta annorum tredecim, et Evilasius octoginta. |
| 21 | XI KAL. Natale sancti Matthaei evangelistae in Aethiopia, qui cum ibi praedicaret verbum Dei, et multos ad fidem Christi converteret, novissime spiculator missus ab Hirtaco rege, qui eum gladio feriebat, csg457.134 efficiens martyrem Christi. |
| 22 | X KAL. Sanctorum martyrum Thebaeorum Mauricii, Candidi, Exsuperii, et sancti Emmerammi martyris. |
| 23 | IX Kal. Natale sancti Sosii diaconi Mesenatis [Misenatis] civitatis in Campania, qui cum esset annorum triginta, martyr cum beato Ianuario Beneventi episcopo capitis decollationem suscepit, tempore Diocletiani imperatoris. csg458.167 Is cum tempore quodam legeret in ecclesia Mesenate [Misenatis] civitatis, praesente episcopo Ianuario, frequenter enim eum pro sanctitate et prudentia eius visitare consueverat, vidit subito idem episcopus de capite eius flammam exsurgere, quam nemo alius vidit, et pronuntiavit eum martyrem futurum, et post non multos dies item diaconus tentus et in carcerem missus est: ad quem visitandum cum venisset episcopus cum diacono suo Festo et lectore suo Desiderio, et ipse cum eis simul tentus ac pariter omnes cum aliis tribus occisi sunt. Eodem die natacsg457.135le Theclae in Oriente Iconio civitate, quae a Paulo apostolo instructa in confessione Christi ignes ac bestias devicit, et post multa certamina ac doctrinam multorum, veniens Seleuciam requievit in pace. Item eodem die Romae passio Lini papae, qui post apostolos primus cathedram csg458.168 episcopalem ibi tenuit annos undecim, menses septem, dies tredecim. |
| 24 | VIII KAL. Conceptio Ioannis Baptistae, et in Augustoduno natale Andochii presbyteri, Thyrsi diaconi, et Felicis, qui a sancto Polycarpo episcopo ab Oriente directi ad docendam Galliam sub Aureliano principe sunt gloriosissime coronati: siquidem flagellis caesi, in ultimo tota die inversis manibus suspensi, in ignem missi, sed non combusti. Tandem vectibus colla feriuntur, ubi Symphorianus tunc viginti annorum, qui postea passus est, semper vigilias et orationes agebat. Eodem die depositio Solemnis episcopi, qui ab infantia Dei servitio devocsg457.136tus fuit, qui etiam miraculis claruit. Nam cum quadam die itineris sui proficisceretur callem, obvium habuit hominem a nativitate caecum, surdum et mutum, quem complexus collo osculavit, et cito sanum reddidit. Hic etiam cum decsg458.169functo Carnotensi urbis episcopo electus est ad episcopatum, quem ergo invitus accepit. Ludovicum vero regem adhuc paganum, qui eodem tempore Francis imperabat, cum vellet contra Gothos in bellum pergere, signo crucis in corde et in pectore armavit, et sic victoria de hostibus potitum, ac domi reversum simul cum sancto Rhemigio Rhemensium urbis episcopo, divina favente virtute, cum gratiae alacritate baptizavit; et cum eodem trecentos septuaginta nobiles satrapas sacro fonte regeneratos in Spiritu sancto adoptionis parturivit filios: sicque memoratus sanctus Dei tres olympiadas gerens in episcopatu de hac luce migravit ad Christum. Romae natale Priscillae csg457.137 et Liberi episcopi et confessoris. Lugduno Galliae depositio sancti Lupi episcopi. |
| 25 | VII KAL. Natale sancti Firmini martyris. In Asia natale Bardomiani, Eucarpi et aliocsg458.170rum viginti sex. |
| 26 | VI KAL. Sanctorum martyrum Cypriani episcopi, et Iustinae, quorum Iustina sub Diocletiano multa propter Christum perpessa, ipsum quoque Cyprianum, cum esset magus, et magicis suis eam dementare conaretur, convertit ad Christum, cum quo iam episcopo et nobili doctore facto, martyrizavit sub Claudio principe. |
| 27 | V KAL. Cosmae et Damiani sub persecutione Diocletiani et Maximiani, praeside eius Lysia in civitate Aegea; qui post multa tormenta, vincula et carceres toleratos, post mare et ignes, crucem, lapidationem et sagittas divinitus superatas, capite plectuntur. |
| 28 | IV KAL. Romae natale Stactei, et in Africa, csg457.138 Martialis, Laurentii et aliorum viginti. Antissiodoro depositio sancti Alodi episcopi. In Gallia civitate Genua depositio Saloni [Salomonis] episcopi. csg458.171 Eodem die in Germania depositio Leobae virginis, quae in Britannia insula ex Saxonum gente nata, virginitatis propositum in monasterio posita nobiliter servavit, postea vero a sancto Bonifacio archiepiscopo Moguntiacensis Ecclesiae in Germaniam advocata, ut famulas Dei in monasteriis Germaniae divinis Scripturis instrueret: ubi non solum multa miracula vivens fecit, imo post obitum in Bochonia silva, hoc est in monasterio Fulda, iuxta decretum sancti Bonifacii sepulta, non paucis miraculis sanctitatem suam declaravit. |
| 29 | III Kal. Dedicatio ecclesiae sancti Angeli Michaelis in monte Gargano. In Thracia civitate Eraclea natale Euticii [Eutichii] Plauti: Antissiodoro depositio Fraterni episcopi. |
| 30 | II Kal. In Bethlehem Iudae, depositio csg457.139 Hieronymi presbyteri, cuius vita et doctrina ubique in Ecclesiis Christi laudabilis csg458.172 exstat; quomodo divinos libros ex lingua Hebraea in Latinam transtulit, propheticosque libros sensu allegorico exposuit. Cum autem octoginta et octo annorum dies explevit, vitam praesentem deserens, ad aeternam requiem emigravit. |